Kazanda, anıñ üzägendä, Tatarstan mägarif ministrlıgı karşında, Kazan Kremle divarları yanında diyarlek inde Intertat ukuçılarına mäglüm bulgan tatar telen ukıtunı beterüne taläp itkän "600 xatı"na kul kuyuçılarnıñ illeläp keşese mitingka cıeldı. TR häm RF Konstitusiyaläre nigezendä il vatandaşları tüläüsez urta mäktäp beleme xokukına iya. Federativ däülätebez älegä barı tik ber telne däülät tele dip tanıy, läkin Federasiyaneñ berniçä subektında ike däülät tele iglan itelgän häm alar territoriyalärendä küpläp yaşäüçe başka millätlärgä üz tellärendä ukunı täemin itä. Mäsälän, Başkortstanda өç teldä: başkortça, rusça, tatarça ukıtalar, Dagıstanda isä tagın da kübräk teldä.
Küpmillätle cämgıyattä ukıtu tele kayber katlaulı xällär tudırırga mөmkin. Ägär ki, Federasiyaneñ aerım algan subektında ukmaşıp berniçä millät keşese yaşi ikän, alarnıñ ber-berse belän rus telennän tış başka xalık telendä aralaşa aluı millätara añlaşuga zur ber stimul bulıp tora. Tatarstanda rus telen bөten keşe diyarlek belä, ut kürşeläre tatarlarnıñ telen belmägän rustelle tatarstanlılar kimsetelgän xäldä kala.
TR häm RF Konstitusiyaläre näkmenä rustelle vatandaşlarınıñ xokukların yaklap, alarga tüläüsez mäktäp belemen rus häm ikençe däülät tele bulgan tatar telendä dä alırga xokuk birä. Läkin moña räxmätle bulıp, buşlay ike däülät tele өyränäse urında, kayber ata-analar balalarınıñ ya ukırga sälätsez buluın, ya üzläreneñ ukıta almauların tanımas өçen, narasıylarına "ayu xezmäte" başkaralar - alarnı däülät telläreneñ bersen buşlay өyränü өstenlegennän mäxrüm itmäkçelär.
Şөker, mondıy ata-analar sanı küp tügel, läkin şunısı borçu uyata: alarnıñ yanında, alarnı kuätläp pravoslav dine kiemendäge keşelär yөri. Bilgele bulgança, kөçläp çukındıru ellarında iñ yavız çukındıruçı sanalgan missionerlarga kadär pravoslavie dine keşeläre tatarça sөyläşkän.
Bälki, mitingka çıguçılarga şuşındıyrak fikelärne ike telne: tatarçanı da, rusçanı da kamil belgän tanılgan cämägat eşleklese Fändäs Säfiullin äytergä telägänder, tik aña çıgış yasarga rөxsät birmädelär. Yazuçı Zäki Zäynullinga da...
