Zamanında Tukay “I kaläm, bezgä här daim yardäm häm märxämät it!” dip möräcägat itkän. Bügen kalämne klaviatura alıştırgan zamanda yaşävebezne iskä alıp, şigri küñelle, icadi fiker yörtüçelärne Tukay elına bagışlangan “Inter@kaläm” ("Internet@kaläm") bäygesenä çakırabız.
“Intertat.ru” Tatarstan respublikası elektron gazetı şigriyattä yaña isemnärne barlau, ukuçılarnı yaña şigırlär belän tanıştıru häm seteratura tradision ädäbiyatnıñ yaña ber populyar yunäleşe buluın kürsätü maksatınnan üzençälekle interaktiv konkurs uzdıra. Interaktiv diyu ul, bäygedä katnaşuçılar häm başka ukuçılarıbız da saytta üzara aralaşa, fikerlären urtaklaşa, ber-bersen bäyali ala digän süz.
milli şigır;
mäxäbbät şigıre;
tormışçan şigır;
üzgä şigır.
Berençe etap. Här ayda saytta urnaştırılgan häm iñ küp ukılgan, igtibar yaulagan dürt şigırgä unar bal birep barıla.
Ikençe etap. El axırında barlık katnaşuçılar arasınnan dürt nominasiyadä ciñüçelär – iñ küp bal cıygan şigırlär atala. Alarnıñ avtorlarına büläklär bireläçäk. Monnan tış tagın ike maxsus urınnı tanılgan şagıyrlärebez bilgeläyaçäk.
Konkurs taläpläre:
1. El axırına kadär avtorlar isemnären kürsätä yaisä psevdonim belän yaza ala.
2. Ber avtor dürttän artık şigır täkdim itä almıy.
3. Avtorlarnıñ yaşe çiklänmägän.
Konkurs 12 apreldän başlana. Här aynıñ 12 sendä aylık yomgak yasala. Şigırlärne interkalam@mail.ru elektron poçtasına yullarga. Alar biredä - "Şigri poçmakta" urnaştırılıp, ukuçılarga täkdim itep barılaçak.
