Şagıyrlär bäxetle bulamı? Bula ikän. Tıngısız canlı häm gomere bue yanıp-köep şigırlär icat itkän Lena Şagıyrcannıñ: “Min bik bäxetle keşe”, - digän süzläre Gabdulla Tukaynıñ 125 ellıgına bagışlangan Şigır bäyrämenä üze ber büläk bulıp yañgıradı.
M.Cälil isemendäge Tatar däülät opera häm balet akademiya teatrı yanındagı şagıyr häykäle yanında uzgan Şigır bäyrämendä süz birelgäç ul üzen, iñ berençe çiratta, Tukaynıñ 125 ellıgın kürä aluınnan bäxetle itep xis itüen äytte. Häm moñar inde, bilgele, bıel märtäbäle däülät premiyasenä laek bulu şatlıgı da östälgän. Beraz dulkınlanıp kitkän şagıyrä: “Büläkkä täkdim itülären sizmi dä kaldım. Zilä xanım citäklägän xatın-kızlar oeşması täkdim itkän. Mine zurlagan citäkçelärgä, icatımnı tikşerep yazgan galimnärgä, xuplauçılarıma, duslarıma räxmät”, - dide häm “Kazanda Tukay bäyräme” digän şigıren ukıdı. Älege çıgıştan soñ moña kadär dä küñelne irkäläp torgan yazgı koyaş, tagı da elmaebrak karıy başladı kebek.
http://www.intertat.ru/tatlat/index.php?option=com_content&view=article&id=716:igr-baeyraemendae-baexet-kuerende&catid=114:2010-11-30-19-25-10&Itemid=496
