Tuvadan tamak töbe belän cırlauçılar kilä

X “Näürüz” xalıkara teatr festivalenä Tuva respublikasınnan Tuva däülät drama teatrı häm tamak töbe belän cırlauçılar triosı kilä. Cırçılar Festivalneñ açılu tantanasında çıgış yasayaçak, dip xäbär itälär Intertat.ru gazetına. Tamak töbe belän cırlau sängateneñ üzençälege beryulı ike nota işetterüdä. Bu bik katlaulı prosess. Älege sängat törendä tıvalılarga tiñnär yuk. Alar üzençälekle başkaru ısulın belä. Bu ısul, üpkälärgä tulgan hava küläme yardämendä sulış organnarın tibränderep, gacäp gıjlaular tudırudan gıybarät.

http://www.intertat.ru/tatlat/index.php?option=com_content&view=article&id=785:tuvadan-tamak-toebe-belaen-crlauclar-kilae&catid=109:2010-11-30-19-23-16&Itemid=491