Ukrainada Sabantuynı 5 iyun könne uzdırdılar. Ul Staxanov şähärendä ütkärelde. Oeştıruçıları — Staxanov tatarlarınıñ «Tugan tel» ictimagıy oeşması häm Lugansk ölkäseneñ tatar oeşmaları.
Bäyrämdä Staxanov, Kirovski, Bryanka, Alçevski, Perevalski, Kızıl Nur h.b. şähärlär tatarları katnaştı. 150gä yakın keşe katnaşkan bu bäyräm Korännän sürälär uku belän başlanıp kitte. Annarı süz «Tugan tel» oeşması räise Ädilä Kolesnikovaga birelde. Ul tamaşaçılarnı, kilgän kunaklarnı şuşı matur milli bäyrämebez belän kotladı, annarı Sabantuynıñ bay tarixı belän tanıştırdı. Ukraina xalkı Sabantuyda küñel açtı