Tatar xalkında "Kaen utırtkan kaygılı bula" digän mäkal bar. Şuña küräder, mögaen, keşelär anı öy tiräsenä utırtırtmaska tırışkan. Ä menä şifalı ikänen belep, kaen seberkesenä barunı matur ber yolaga äyländergän. Elek-elektän kaen suın köç östi dip ışangannar. Bügen tabiblar soknıñ kannı çistartu üzlegenä iya ikänen assızıklıy. Monnan tış anda 2 prosent külämendä şikär dä bar. Medisinada kaen degete, yafragı, börese kullanıla. Kaen yafragınıñ bakteriyalärne yuk itü üzlege igtibarga laek. Bala tabu yortları bulmaganda äbilärebez munçalarda bäbilägän. Monıñ aldan kaen seberkese äzerläp, anıñ belän läükä tiräsen sörtep çıkkannar. Munça kergändä dä imän, çırşı seberkeläre arasında kaennıkı iñ däräcälese sanalgan. Çabınganda keşe organizmındagı noktalarga täesir yasaluın da beläbez. Seberke cıyar çak!
