Älki xalkı öçen sabantuy – duslık häm berdämlek bäyräme

Sabantuy – goref-gadätlärne saklagan bäyräm. Urak öste tämamlangaç, avıl xalkı härçak sabantuylar oeştıra. Biredä härkem tugan-tumaçası, kürşe-küläme belän oçraşa. Şuña da elek-elektän härkem bu bäyrämne yaratıp häm şatlanıp karşı ala. Monda, älbättä, at çabışı, köräş, kapçıkta sikerü kebek uennar härkem küñelenä yakın kilä. Älki xalkı öçen sabantuy – duslık häm berdämlek bäyräme

Ästerxan avıl Sabantue

Bez, Ästerxanda yaşäüçe tatarlar ölkä Sabantuen bäyrämenä cıelırga künekkän. Läkin bıel Kanga (Kuçerganovka) avılı xakimiyate citäkçese Nariman rayonı xakimiyate belän berlektä avıldaşlarına üz avılı Sabantuen büläk itte. Ästerxan avıl Sabantue

Norlat Sabantue milli avılları belän tañ kaldırdı

Bügen, 11 iyundä Tatarstan Respublikası Prezidentı Röstäm Miñnexanov tormış iptäşe häm ulı belän bergä TR nıñ rayon üzäkläreneñ berse bulgan Norlatka Sabantue bäyrämenä kilde. Norlat Sabantue milli avılları belän tañ kaldırdı

Xaris Xösnetdinov - absolyut batır

2011 elnıñ Teatral Saban tuenda Kazannıñ K.Tinçurin isemendäge Tatar däülät drama häm komediya teatrı artistı Xaris Xösnetdinov absolyut batır buldı. Xaris Xösnetdinov - absolyut batır

Yar Çallı Sabantuyları

Çallıda Sabantuy 18 iyun könne uzdırıla. Programmanıñ töp eçtälege böek şagıyrebez Gabdulla Tukayga bagışlangan bulaçak.

Tradisiya buença, Sabantuylar şähärneñ 4 urınında ütkärelä: «Tözüçe» stadionı, «Yar bue» parkı mäydanı, Ciñü parkı häm ippodrom.

«Tözüçe»dä bäyräm irtänge sägat unda başlanıp kitäçäk. «Yar bue» parkında isä sägat unda keçkenä mäydannar eşli başlıy. Alar tamaşaçılar öçen bik kızıklı küñel açu programması täkdim itä.

Yar Çallı Sabantuyları

Teatrlar Saban tue–2011

2011 elnıñ 3 iyunendä Kazanda X Xalıkara "Näürüz" törki teatrlar festivale tämamlandı. 30 may–3 iyun könnärendä uzgan festivaldä 20dän artık teatrlar katnaştı. Kazanlılar Tatarstannıñ tatar teatrların gına tügel, Başkortstan, Dagıstan, Altay, Törkmän, Kazaxstan, Kırgızstan, Äzerbäycan, Xakassiya, Çuaşstan, Tıva (h.b.) milli teatlarınıñ da üzençälekle spektakllären kürä aldı. Teatrlar Saban tue–2011

Orenburga säyaxät

Orenburg yaklarınıñ tatar tarixında şaktıy uk zur üz urını bar. Tarixka tirän kermiçä, XX gasırda mädäniyatıbızga kagılışlı vakıygalarnıñ başında torgan tatar şäxeslären iskä alu da citäder. Üz akçasına ataklı Xösäeniya mädräsäsen, mäçetlär saldırgan häm tatarnıñ küp sanlı zıyalı keşelären ukıtıp çıgargan Äxmät bay Xösäenov üze genä dä ni tora. Altın priskalarınıñ xucaları abıylı-enele Rämievlär üz tirälärenä mi ukımışlıların tuplap gäcit-jurnallar çıgaragan. Riza Fäxretdin, Şärif Kamal, Hadi Taktaş häm başkalarnıñ tormış yulları Orenburg aşa da uzgan. Orenburga säyaxät

Xäydär Bigiçevkä bagışlangan kitap

Kürenekle tatar cırçısı, Rossiyaneñ atkazangan, Tatarstannıñ xalık artistı, G.Tukay isemendäge Tatarstan Däülät büläge laureatı Xäydär Bigiçev istälegenä bagışlangan yaña kitap dönya kürde. 9 iyun könne Kazannıñ M.Cälil isemendäge Tatar däülät opera häm balet teatrında älege kitapnı täkdim itü kiçäse uzaçak. Xäydär Bigiçevkä bagışlangan kitap

“UNIKS” finalga çıga almadı

Bıel da bulmadı. Tatarstan basketbol söyuçeläreneñ, komanda prezidentı Evgeniy Bogaçevnıñ küpellık xıyalları yanä tormışka aşmadı. Bu yulı da yarımfinalda ottırdık. Ä bit “Ximki”nı ciñärgä ber uen gına citmäde. Äye, berençe ike oçraşuda beznekelär ciñgäç, soñgı uñış üzen köttermäs dip uylavgan idek. Alay bulıp çıkmadı şul. Ximkidagı täüge matç köndäşlärebezneñ tulı östenlege belän tämamlandı. Ikençe uenda da alar oçkolar aermasın 18gä citkerde. Ämma kazanlılar oçraşu tämamlanırga az gına kalıp barganda, inde alga da çıkkan ide dä bit. Bulmadı... Mäydan xucalarınıñ soñgı sekundlarda kertkän tupları alarga ber oçko aerma belän ciñü kiterde. Kazanda isä, döresen äytergä kiräk, östenlek “Ximki” kulında ide. Beznekelärneñ uenı barmadı bu könne. “UNIKS” finalga çıga almadı

Ukuçılarnı yal häm eş belän täemin itü

Balalarnı cäyge kanikulda ni kötä? Sabıylar öçen lagerlar äzerme? Yaşüsmerlär üzlärenä akça eşli alırmı? Tärip saklau organnarı cäyge çorga niçek äzerlänä? Gomumän alganda, respublika cäy aylarında balalarnıñ yalın täemin itä alırmı? Ukuçılarnı yal häm eş belän täemin itü

Ber-ber artlı Sabantuylar uza

May axırında başlanıp kitkän milli bäyrämebez - Sabantuylarkızgannan-kıza bara. 4 iyun könne Omski tatarları «Agro-Omsk» ukıtu häm kürgäzmälär kompleksında milli bäyrämgä cıeldı. Bıel ul böek şagıyrebez Gabdulla Tukaynıñ 125 ellıgına bagışlangan ide. Ber-ber artlı Sabantuylar uza

Yugarı Oslan rayonında - Sabantuylar

Tatarstannıñ rayon häm töbäkläre Sabantuyga äzerlänä genä äle, ä menä Yugarı Oslan xalkı räxätlänep bäyrämdä küñel aça.

4 iyun könne Sabantuy Yugarı Oslan rayonınıñ Şelanga avılında uzdırıldı. Ul avıl cirlege başlıgı Valeriy Mayorovnıñ kotlau süzlärennän başlanıp kitte. Sabantuyda Energetika universitetı studentları, «Kalinuşka» ansamble dä katnaştı. Monda kanat tartışu, kapçık kiep yögerü, törle estafetalar kebek yarışlar uzdırıldı. Iñ möhim yarış, älbättä inde, tatarça köräş ide.Sabantuy batırı isemenä Denis Perevedensev laek buldı. Yugarı Oslan rayonında - Sabantuylar

Omskida tatar yortı buldırılaçak

3 iyun könne Omski ölkäseneñ şähärne tözü häm arxitektura sovetı utırışında Omskida milli-mädäni kompleks — milli avıltözü eşeneñ kiläçäge turında söyläşü buldı. Omskida tatar yortı buldırılaçak

Ekaterinburgnıñ güzäl kilene — yaş käläş Zölfiya

4 iyundä Ekaterinburg şähärendä käläşlär arasında «Güzäl kilen» bäygese uzdı. Älege çaranı "YaŞEN" Sverdlovsk ölkäse töbäk tatar yaşlär ictimagıy oeşması Tatarstan Respublikasınıñ daimi väkillege, Sverdlovsk ölkäse tatarlarınıñ milli-mädäni avtonomiyase häm «Miras» Sverdlovsk ölkäse tatar-başkort mädäni üzäge belän berlektä oeştırdı. Ekaterinburgnıñ güzäl kilene — yaş käläş Zölfiya

Kazanda Ikençe Xalıkara vatandaşlar Kongressı uzaçak

9 iyunnän 1 iyulgä kadär başkalabızda vatandaşlarnıñ Ikençe Xalıkara Kongressı uzdırılaçak.

Anda Rossiya yugarı uku yortın tämamlagan, Rossiyadä häm çit illärdä eşläüçe millättäşlärebez katnaşa.

Kongressnıñ maksatı — Rossiya galimnäreneñ çit ildä eşläüçe kollegaları-vatandaşları belän eşlekle mönäsäbätlär urnaştıru, bulgan xezmättäşlekne tagın da kiñäytü, häryaktan da faydalı bulgan xezmättäşlek buldıru häm çit ildä yaşäüçe galimnärne urtak proektlar eşläügä tartu. Kazanda Ikençe Xalıkara vatandaşlar Kongressı uzaçak

Sport öçen yaulık salmıylar

Iran xatın-kızlar futbol komandası yaulıklı bulgan öçen Londonda uzaçak Olimpiadada katnaşa almıy. FIFA uenga sportçı bilgele ber kabul itelgän sport kiemnärennän çıgarga tieş dip bara. Häm alar aprel aenda uk Iran sportçılarına xicabtan uenga kertelmäyaçäkläre turında beldergännär ide. Sport öçen yaulık salmıylar

Tatarstan möselmannarınıñ yaña saytı barlıkka kilde

dumrt.ru – üzäkläşkän dini oeşma - Tatarstan Diniya näzaräteneñ yaña saytı açıldı. Diniya näzaräte internetta üz urının monnan tugız el elek taptı: täüge saytı 2002 elda barlıkka kilde. Şunnan birle älege çıganak bernindi üzgäreşsez diyarlek eşläp kilde. Tatarstan möselmannarınıñ yaña saytı barlıkka kilde

Citäkçelär tatar telen beläme?

Rossiya Prezidentı Dmitriy Medvedev mägarif häm fän ministrı Andrey Fursenkonıñ gramota däräcäsen tikşerergä täkdim itte. Läkin ministr baş tarttı. Älege xäl 6 iyun könne A.S.Puşkin isemendäge rus tele däülät institutında buldı.

Biredä aña «interaktiv diktant» proektın täkdim ittelär. Diktant kompyuterda başkarıla. Biremnärdä, gadättägeçä, töşep kalgan xäreflärne, süzlärne kuyarga kiräk. Xata yasasañ, ul siña avtomat räveştä xäbär itelä, döres cavap, kagıydäse birelä. Kayber biremnärne ukuçılar üzläre tözi. Mondıy diktantnı belem birü uçrejdenielärendä inde 8 el dävamında yazalar ikän. Citäkçelär tatar telen beläme?

Kazan Sabantuenda Dmitriy Medvedev katnaşaçak

24-25 iyun könnärendä Kazanga Rosiya Federasiyase prezidentı Dmitriy Medvedev kiläçäk. Berençe könne ul Kazan Ratuşasında uzaçak Rossiya prezidentı karşındagı Sovet utırışında katnaşaçak. Kazan Sabantuenda Dmitriy Medvedev katnaşaçak

Tatar-başkort berdämlegenä ömetlär

Ufada yaşäüçe millättäşebez, tatar-başkort dönyasında bilgelejurnalist Fänis Fatkullin (Fänis Fätxi) 6 iyun könne üzeneñ 50 yaşlek altın yubileen bäyräm itä. Fänis Fatkullin 1961 elnıñ 6 iyunendä Başkortstannıñ Büzdäk rayonı Käpäy-Kobau avılında tuıp üsä. Kazan däülät universitetınnıñ jurnalistika bülegendä belem algannan soñ Ufaga eşkä cibärelä. Başkortstan däülät radiosında 8 el eşlägäç, icat bäygesendä katnaşıp, Amerika kongressı karamagındagı “Azatlık” radiosına eşkä alına. 1993-1998 ellarda başta Myunxenda, annan Pragada xezmät itä. Tatar-başkort berdämlegenä ömetlär