Ğabdulla Tuqayğa bağışlanğan internet portal

Ğabdulla Tuqayğa bağışlanğan internet portal
Ğabdulla Tuqayğa bağışlanğan internet portal

Yaş kızlar bala töşerä

Xatın-kızlarnıñ, bigräk tä yaşlärneñ bala töşerüe tabiblarnı gına tügel, xätta deputatlarnı da borçuga sala. Räsmi mäglümatlar buença, 2010 elda 1000 xatın-kız arasında 22,58 prosent abort, yagni bala töşerü oçragı terkälgän. Uzgan el şähärdä 13 meñnän artık xatın-kız balaga uzgan. Şularnıñ barı 47,8 prosentı gına isän-imin bala tapkan. Yaña tugan balalarnıñ 40 prosentınıñ sälamätlegendä törle kimçeleklär tabılgan.

19 yaşkä kadärge 600 avırlı yaş kıznıñ barı tik 51e genä bala tabırga planlaştırgan, kalgan 549ı ike dä uylamıyça baladan kotılgan. Uzgan el şähärneñ medisina uçrejdenielarında (kommersiyale oeşmalarnı isäpkä almaganda) yakınça 600 bala töşerü oçragı terkälgän. Bu xakta şähärlelärneñ sälamätlegen häm äylänä-tiräne saklau komissiyaseneñ Kazan yarminkäsendä uzgan küçmä utırışında Kazannıñ sälamätlek saklau idaräse başlıgı Ramil Äxmätov xäbär itte.

Deputatlar fikerençä, şähärdä kiçektergesez räveştä yaşüsmerlär arasında maxsus çaralar oeştırırga kiräk. Mäktäplärdä yaisä yugarı uku yortlarında barısın bergä cıep tügel, ä härkem belän aerım äñgämä koru sorala. Bu eşne deputatlar törle yullar, şul isäptän massaküläm mäglümat çaraları aşa başkarırga niyatli.
Related Posts Plugin for WordPress, Blogger...