Äbilär häm babaylar yarışa

Kazanda penisonerlar Spartakiadası start aldı. Xäzer inde olı buınnı da sportka tartırga telilär.

Estärlebaş mädräsälärendä tatar zıyalıları ruxı

Monnan küpmeder vakıt elek Zäki Zäynullinnıñ «Estärlebaş mädräsäse» kitabın täkdim itü kiçäsendä bulırga turı kilde.Başkortstannıñ Estärlebaş avılı borıngıdan uk bik tä mägrifätle urın sanalgan. Untugızınçı gasırga kadär ike meñ keşese bulgan bu avılda kırıkka yakın mädräsä eşlägän.

Bu mädräsälär böten Rossiyadä dan kazangan. Monda belem algan tatar zıyalılarınıñ kübese tatar dönyasında yaxşı tanış.Gabderäxim Utız Imäni, Äbelmänix Kargalı, Zäki Şämsetdin,Gali Çokrıy, Miftaxetdin Akmullalarnı belmägän keşe, gomumän, yuktır.

Kiev sandugaçı — 2011

2011 nçe elnıñ 3-4 nçe iyunendä Kievta «Kiev sandugaçı» VII nçe Xalıkara törki-tatar festivale uzdırılaçak.

Bişkekta sugış veterannarın kotladılar

Kırgızstan tatarlarınıñ «Berdämlek» soyuzı yaşläre 9 may — Böek Ciñü bäyrämendä sugış veterannarın kotlıy. Bu inde matur gadätkä äylände. Irtädän alıp kiçkä kadär tatar yaşläre georgiy lentası elgän maşinalarda Bişkektagı veterannarnıñ öylärenä bara. Bişkekta sugış veterannarın kotladılar

«Kazan» aeroportı tiräsendä zur säüdä üzäge tözeläçäk

«Dubay Perl» («Dubai Pearl») kompaniyase Tatarstanda zur säüdä- kürgäzmä üzäge tözergä yardäm itäçäk. Ul Kazan aeroportı tiräsendä 65 gektar mäydanda urnaşırga tieş. Anı tözügä kagılışlı barlık mäsälälär respublika Prezidentı Röstäm Miñnexanovnıñ Dubayda «Dubai Pearl» kompaniyase citäkçelege belän oçraşuı vakıtında bilgele buldı.

«Kazan häm muzıka»

12 mayda Kayum Nasıyri muzeenda «Kazan häm muzıka» digän sängati kürgäzmä açıla. Kürgäzmädä PFUnıñ (TGGPU) sängat beleme fakultetı studentlarınıñ xezmätläre urın algan. Älege icadi eşlär tatarnıñ böek kompozitorı, pianist, Tatarstandäülät gimnı avtorı, SSSRnıñ xalık artistı Röstäm Yaxingabagışlana, dip xäbär itälär Intertat.ru gazetasına. «Kazan häm muzıka»

Tatarstan garäp illäreneñ investision mömkinlekläre belän kızıksına

Röstäm Miñnexanov berniçä könlek eş säfäre Berläşkän Garäp Ämirleklärendä. 10 may könne ul Dubayda el saen ütkärelä torgan Annual Investment Meeting 2011 investisiya forumı açılışında katnaştı. Bilgele ki, AIM-2011 forumın törle proektlar öçen investorlar tabu, şulay uk üz töbägeneñ investision potensialın täkdim itü urını dip tä atargşa mömkin. Bıel forumda 30 ga yakın il (Törkiya, Malayziya, Avstraliya, Indoneziya, Yamän, Mavrikiy, Namibiya, Ärmänstan, Braziliya häm başkalar) katnaşırga teläk beldergän.

Altay tatarları milli-mädäni avtonomiyalären tözedelär

Altay kraenda yaña ictimagıy oeşma tözelde, Intertatka şunısı belän kızıklı ul - Tatarlarnıñ töbäk milli-mädäni avtonomiyase.

“Zenit-Kazan” - çempion!

Voleybol buença Rossiya çempionatınıñ altın medalläre yanä Kazanga kayttı. Öçençe el rättän “Zenit-Qazan” - ilneñ iñ köçle komandası bulıp tanıldı!

Bıel final oçraşuında beznekelär Mäskäüneñ “Dinamo”sı belän uynadı. Täüge uenda köndäşlärebezne köç-xäl belän 3:2 isäbenä otkaç häm, bigräk tä, ikençe oçraşuda 0:3 belän ottırgaç, küñeldä şik tudı: bıel kazanlılarga altın medallär tätemäs axrı. Äye, sezon axırına uençılarıbız çiktän tış arıgan ide. Ni äytsäñ dä, “Zenit-Kazan” üze katnaşkan barlık yarışlarda da xälitkeç oçraşularga kadär kilep citte. Ämma... Öçençe matç “Zenit-Kazan” faydasına 3:2 isäbe belän tämamlandı. Dürtençe oçraşuga Kazannan bik tä köçle canatarlar desantı kilep töşte. Ällä şul yardäm itteme, monısında komandabız bötenläy başkaça uynadı. Näticädä, ciñü nibarı öç setta yaulandı. Çönki östenlek tulısınça beznekelär kulında ide.

Tuvadan tamak töbe belän cırlauçılar kilä

X “Näürüz” xalıkara teatr festivalenä Tuva respublikasınnan Tuva däülät drama teatrı häm tamak töbe belän cırlauçılar triosı kilä. Cırçılar Festivalneñ açılu tantanasında çıgış yasayaçak, dip xäbär itälär Intertat.ru gazetına. Tamak töbe belän cırlau sängateneñ üzençälege beryulı ike nota işetterüdä. Bu bik katlaulı prosess. Älege sängat törendä tıvalılarga tiñnär yuk. Alar üzençälekle başkaru ısulın belä. Bu ısul, üpkälärgä tulgan hava küläme yardämendä sulış organnarın tibränderep, gacäp gıjlaular tudırudan gıybarät.

Kol Şärif mäçetendä - yaña kürgäzmä

13 may könne Kazan Kremlendä tanılgan rässam Flera Däminovanıñ «Keramik plitädä yasalgan «Şärık motivları» digän kürgäzmäse açılaçak, dip xäbär itälär Intertat.rugazetına.

Tatar milli fast-fudı

Pärämäç — bügenge köndä tatar xalkınıñ iñ populyar milli rizıklarınnan berse sanala. Öçpoçmaknı Kazan şähärebezneñ här poçmagınnan tabıp bulgan kebek, pärämäç tä şulay kiñ taralgan. Anı yaşlär «tatar milli fast-fudı», dip tä yörtälär äle.

Islam dine kabul itelgänçegä kadär, pärämäçne koyaşka tiñlägännär. Ul çorlarda tatar xalkı «Böek Allabız», dip Täñregä ışangan. Ä ul — Koyaş Allası. Şuña kürä dä inde pärämäçneñ urtasındagı bögep yasalgan sırlar koyaş nurların xäterlätä.

Kazanda Ciñü paradı uzdı

Bügen Rossiyadä zur bäyräm – il Böek Ciñüneñ 66 ellıgın bilgeläp ütä. 1945 elnıñ 9 maennan soñ inde bixisap vakıt uzsa da, küplär küz yaşe aşa kiçerelgän şatlık bügen dä ul çaktagı kebek.

Vatan öçen başın salgannar, ciñü belän tugan ilenä äylänep kaytkannar - berse dä onıtılmıy. Ellar su kebek aksa da, alar isemen mäñgeläşterü, bilgesez sugışçılarnıñ şäxesen açıklau tınıp tormıy. Böek Ciñü bäyrämen dä torgan saen yaxşırak yasıylar. Bıel Mäskäüneñ Kızıl mäydanında ütkän paradnı da küplär inde iñ yaxşı xärbi çaralar isemlegenä kertergä laeklı dip taptı. Il paradında uzgan el 11 meñ xärbi katnaşsa, bıel tantalı marşta 20meñgä yakın keşe atladı.

Gata Kamskiy - yarımfinalda

Bügen, 8 may könne dürtençe tur uenında köndäşe Veselin Topalovka otışlı torışta ciñärgä irek birmägän Gata Kamskiy şaxmat buença dönya çempionlıgına dägvalauçılar turnirınıñ yarımfinalına çıktı.

Yarımfinalda anıñ köndäşe Boris Gelfand bulaçak. Ikençe yarımfinalçılar parı irtägä bilgele bulaçak. Aronyan - Griçuk häm Kramnik - Radjabov tiz şaxmat uynap köç sınaşaçak.

Şäükät abıy Galiev kitte...

Şäükät Galiev berniçä buın tatar balalarına bik yaxşı tanış şagıyr. Anıñ küñelle dä, kızıklı da, tärbiyavi dä şigırlären barıbız da ukıp üstek. "Muskul tügel mıskıl bu", "Onıtılgan, öydä kalgan", "Anda-monda yöri mäçe, ällä şul mı tärcemäçe" häm bik küp başka yulları telebezgä kerep kaldı. Xuş, Şäükät abıy...

«Näürüz» festivalendä Tatarstan danın 9 teatr yaklayaçak

30 maydan 5 iyungä kadär Kazanda törki xalıklarnıñ X «Näürüz» xalıkara teatr festivale uzaçak. Festivaldä 550 kunak häm katnaşuçı kötelä. Kazanga Yaponiya, Germaniya, Törkiya, Kazaxstan, Üzbäkstan, Törekmänstan, Moldava, Rossiya töbäkläre: Yakutiya, Altay, Tıva, Dagıstan, Xakasiyadän truppalar kiläçäk. Gadät buença, katnaşuçı spektallärgä tänkıytçelär kollegiyase bäya biräçäk. Kollegiyaneñ citäkçese – sängat fännäre doktorı, Rossiya teatr sängate akademiyase (RATI-GITIS) professorı, Rossiya Fännär akademiyaseneñ Şekspir komissiyase räise Aleksey Bartoşeviç. 

Federal sabantuynıñ räsmi äläme kabul itelde

2011 nçe elgı Ekaterinburg şähärendä uzaçak federal sabantuynıñ räsmi äläme kabul itelde. Ul milli tatar sölgesen xäterlätä. Kiñlege häm ozınlıgı 2:3 ülçämendä bulgan bu äläm ak töstä, ä ike çite kızıl töstäge tatar milli bizäge belän eşlängän.

Törki-islam şähärläre: Kaşgardan Andaluziyagä kadär

Aprel axırı — may başında Gosman törekläreneñ borıngı başkalası Bursa şähärendä törki-möselman şähärläreneñ tarixı häm mädäniyatına bagışlangan Xalıkara fänni konferensiya uzdı. Forumda tanılgan tarixçı-arxeolog, Könçıgışnı öyränü belgeçe, Rossiya tabigat fännäre akademiyaseneñ Idel-Ural üzäge «Arxeologiya häm Antropologiya» bülege citäkçese, Tatar däülät gumanitar pedagogika universitetı professorı Albert Borhanov ta katnaştı. Albert äfände Törkiyagä kılgan säyaxäte turındagı xis-kiçereşlären Intertat belän urtaklaştı. TüRKSOY Xalıkara oeşması, Bursa şähäreneñ ölkä häm şähär xakimiyate, Törki dönyanıñ yazuçılar häm sängat eşlekleläre berlege, Törkiyaneñ Injenerlar häm arxitektorlar berlege çakıruı buença, TR premer-ministrı Ildar Xalikov häm TR mädäniyat ministrı Ayrat Sibagatullin kuşuı buença, min 27 apreldän 2 mayga kadär Törkiya Respublikasında buldım. Anda min Tatarstan väkile bularak, Gosman däüläteneñ berençe başkalası Bursa şähärendä uzgan «Törki-islam şähärläreneñ tarixı häm mädäniyatı: Kaşgardan Andaluziyagä kadär» dip isemlängän Xalıkara fänni simpoziumda katnaştım.

Tatar avılı Başküldä Berdämlek köne

30 nçı aprel könne Kazaxstannıñ Könçıgış Kazaxstan ölkäse Bişkaragay rayonı Başkül avıl okrugında Kazaxstan xalıkları berdämlege köne uñaennan zur bäyräm uzdırıldı. Semipalatinskidan 120 çakrım eraklıkta urnaşkan bu avılga törle kürşe rayonnar, şähärlärdän kunaklar çakırıldı. Şulay uk kemneñ kiläse kilä, barçasın da yaktı yöz belän karşı aldılar. Başkül avılı xalkı bik tä kunakçıl xalık. Zur bäyrämnär oeştıru da alarga ber dä yat tügel. 2007 nçe elda bu avıl üzeneñ oeşuına 170 el tuluga bagışlangan zur bäyräm uzdırgan ide inde. Ul xalıkara Sabantuy itep bäyräm itelde. Anda katnaşkan keşelärneñ bik küpläre yaxşı xäterlider äle bu bäyrämne.

Törkilärgä "Gaskäri ruxı"n kürsätäçäklär

Kazan tamaşaçıların üzençälekle äsär kürü bäxete kötä. Tatarstan başkalası säxnäsenä täüge tapkır Yapon artistları ayak basaçak. Alar urtak alman-yapon biyu proektı - "Gaskäri ruxı" tamaşasın kürsätäçäklär. Spektakl Törki xalıklarnıñ X xalıkara “Näürüz” teatr festivale kısalarında täkdim iteläçäk.

Gata Kamskiy ottıraçak?

Bu könnärdä Kazan şaxmat üzägenä äylänäçäk. Kiçä başkalabızda Şaxmat akademiyasenä nigez salınsa, bügen dönya çempionı buluga dägvaçılar turnirı başlana.

4 may könne başkalabızda küptän kötelgän vakıyg...

Azat+Alsu: «Cırlamıyça yaşi almıybız»

Bügenge äñgämäneñ geroyların ike möhim närsä berläşterä. Berençedän, mäxäbbät: bügenge köndä alar bäxetle gailä bulıp yaşi, mäxäbbät cimeşläre Ayaznı tärbiyali. Ikençedän, cır, näk menä cır alarnı tanıştırgan häm kavıştırgan.

Azat Fazlıev Ätnä rayonı Küşär avılında, Alsu Däülätgäräeva - Baltaç rayonı Kunır avılında dönyaga kilgän. Ikese dä Tatar däülät gumanitar pedagogika universitetınıñ muzıka fakultetın tämamlagan. Azat bezgä «Yoldızlık», «Sandugaç kerde küñelgä» festivalläre, «Vatan» xalıkara bäygese, R.Vahapov isemendäge festival, «Tatar moñı» bäygese laureatı bularak bilgele bulsa, Alsu «Saf xislär» törkeme aşa tanış. Äytergä kiräk, älege törkem 2003 elda Alsu tarafınnan oeştırılgan bulgan. Elek anda öç kız cırlasa, xäzer Alsu belän Gölnaz ikäüläşep cırlap yöri.

Kazanda «Yoldızlık-2011» festivaleneñ finalı uzdı

29 apreldä Kazannıñ «Piramida» mädäni-küñel açu kompleksında «Yoldızlık-2011» XI açık respublika televizion yaşlär estrada sängate festivaleneñ finalı uzdı. Bıel festivaldä respublika buença 80 meñläp bala katnaştı. Yomgaklau konsertında isä 800dän artık katnaşuçı çıgış yasadı. Bıel Gran-prinı "U-13" häm "Doroga iz goroda" biyu törkemnäre yauladı.  

Foto

Islamda räximsezlek yuk

Amerika Prezidentı Barak Obama räsmi räveştä beldergänçä, terrorçı Usama ben Laden amerika xärbiläre tarafınnan yukka çıgarıldı. Älege vakıyga uñaennan Tatarstan möftie Ildus xäzrät Fäiz üz fikeren belderde.

Xastaxanälärgä yaña cihazlar satıp alaçaklar

Tatarstannıñ Sälamätlek saklau ministrlıgında 2011-2012 ellarda respublikanıñ sälamätlek saklau uçrejdenieların üzgärtep koru programması kısalarında yaña medisina cihazları satıp alu mäsälälärenä bagışlangan kiñäşmä uzdı.

Kägazgä töşkän xislär...

Aprel. Frankfurt yazgı çäçäklärneñ xuş isennän räxätlänep utıra. Mondıy tatlı is başlarnı äyländerä, küñellärne eretep cibärä. Ä yazgı koyaş isä,  cäyge koyaştan ürnäk alırga tırışkanday, kızdırıpmı-kızdıra. Bolıtlarga da, «yavam-yavam» dip torgan yañgırga da rät yuk monda. Şähärgä koyaş xuca. Räxät...küñellärne  bäyräm xise biläp ala.

...Äye, bügen bäyräm. G.Tukaynıñ tuuına 125 el buluga bagışlangan  kiçägä cıenam. Üzem cıenam, ä küñeldä meñ törle sorau. «Küptän inde üz tugan illäre, cirlärennän aerılgan yaktaşlarıma G.Tukaynıñicatı belän tanışu kızıklı bulırmı?», «Alar böek şagıyrebezneñ tatar milläteneñ yaktı kiläçäge öçen kuygan tırışlıgın döres itep bäyali alırlarmı?», «Yaktaşlarım öçen millätebez kiläçäge ni däräcädä möhim; çit cirdä, çit ildä yaşäü telebezne, milli añıbıznı yugaltuga kitermäsme?» kebek soraular äylänä minem başta.

Gata Kamskiy Kazanda!

3 mayda Kazanda şaxmat buença dönyaküläm ähämiyatkän iya turnir start ala. “Korston” kompleksında gamäldäge dönya çempionı Vişvanatan Anand belän şaxmat tacı öçen uynauga dägva kıluçılar bäygese uza. 

“Rubin” tübän tägäri

“Rubin” tagın ciñä almadı. Rossiya çempionatında inde cidençe tur tämamlandı, ä beznekelär turnir tablisasında haman aska tägäri.

Il berençelegeneñ çirattagı tur uenın “Rubin” Samarada cirle“Krılya Sovetov” komandasına karşı uzdırdı. Ike kürşe şähär komandaları arasındagı matçlar härçak kierenke töstä ütä. Oçraşular tarixında futbol kırında uençılarnıñ sugışıp kitkäne dä bulgaladı, Samaraga bargaç, bezneñ canatarlarnı kıynap kaytarular da oçraştırgalap tora, xätta berzaman jurnalistlar utırgan avtobus täräzälären dä vatıp-cimerep cibärdelär. Samaradan canatarlar kilgändä, bezneñ milisionerlar da köçäytelgän rejimda eşli. Bıelgı berençe matç ta iskärmä bulmadı.

Erak aralarnı radio yakınayta

Tatarstan radiosında tüläüsez kotlaular, sälamnär säxifäse  çit töbäklärdä yaşäüçe millättäşlärebezne küz aldında totıp açıldı. 

Tatarstannan çittä gomer itüçe kardäşlärebez öçen maxsus äzerlänüçe "Tatarstan dulkınında" tapşıruında sugış, tıl, xezmät veterannarı, xalkıbıznıñ  kürenekle şäxesläre,  xezmät aldıngıları,  yanäşä-tiräbezdä yaşäüçe  yaktı  küñelle, gıybrätle yazmışlı ul-kızları belän äñgämälär korıla . Tatar xalık köyläre, kompozitorlarıbıznıñ iñ populyar äsärläre yañgırıy.  Xäzer bu tapşıru kısalarında, erak çakrımnarnı yakınaytıp,  Tatarstannan çittä yaşäüçe kardäşlärebezgä muzıkal kotlaular yullarga mömkin. “Jırım  belän sälam  yullıym” dip isemlängän yaña säxifä aşa çittä yaşäüçelär üzläre dä kotlaular, sälamnär tapşıra ala.

«KamAZ» citeşterü külämen arttıra

Dönyada, şul isäptän Rossiyadä, avtomobil bazarı ayakka basıp kilä. Moña bäyle «KamAZ» açık aksionerlık cämgıyate 2011 elga bulgan plannarnı üzgärtergä mäcbür. Elnı 31 meñ maşina belän yababız dip uylasalar da, bıel Tatarstan şirkäte konveyerınnan 40 meñ maşina töşärgä tieş.

Tatarstan delegasiyase Başkortstanga bardı

Tatarstan Respublikasınıñ Mägarif häm fän ministrlıgı delegasiyase Başkortstan Respublikasına eşlekle säfär kıldı. Ufa kalasında Tatarstan kunakları tatar tele häm ädäbiyatı ukıtuçılarınıñ fänni-gamäli konferensiyasendä katnaştı, balalarnı başkort telenä  öyrätüçe mäktäpkäçä belem birü uçrejdenieları eşçänlege häm täcribäse belän tanıştı, dip xäbär itä Intertat redaksiyasenä ministrlık.

Telebezne yaratıyk...

26 nçı aprel...Min äkren genä Bauman uramı buylap atlıym. Ber yagımda yaş kenä eget G. Tukaynıñ «Tugan avılım» ın cırlıy, ikençe yagımda ber kız «Kızıklı şäkert» şigıren söyli. Çittäräk rus yaşläre mäş kilep, tatar telen vata-cimerä «min sine yaratam», «äydä kinoga barabız», «sin miña oşıysıñ», kebek süzlär kabatlıy. Ä yannarında «Min tatarça söyläşäm» dip yazılgan emblemalı kepka, futbolka kigän yaşlär böterelä. Xalıkka tüştamga, nakleyka, ä tatarça belmäüçelärgä rusça-tatarça süzleklär tarata alar.

Kazanda Fatıx Karim turında kino kürsätälär

«Fatıx Kärim. Sugışçı şagıyr» häm «Fatıx Kärim. Kızı istälekläre» («Fatıx Karim. Voin poet» i «Fatıx Karim. Rasskaz doçeri») digän dokumental filmnarnıñ bäyräm premerası 3 may könne «Mir» kinotearında uzaçak, dip xäbär itälär Intertat.ru gazetına.

Kinokartinalarnı Kazan tamaşaçısına filmnıñ ideya avtorı,Tatarstannıñ xalık şagıyre Renat Xaris, şagıyrneñ kızı Läylä Kärimova, «Azatlık» radiosınıñ Kazandagı studiya direktorı Rimzil Väliev häm kinokartinanıñ rejisserı Rämis Näcmiev täkdim itä.

Filmda süz şagıyr, anıñ meñlägän yöräklärne äsir itkän, tugan ilgä, kızlarına bulgan tirän mäxäbbäten çagıldırgan äsärläre xakında baraçak. Läylä Kärimovanıñ istälekläre dä tamaşaçını bitaraf kalmas, di çaranı oeştıruçılar.

Lena Biçarina Tatarstannıñ xalık artistı digän isemgä laek buldı

Şuşı könnärdä tanılgan cırçı Lena Biçarinaga Tatarstan Respublikasınıñ xalık artistı digän maktaulı isem birelde. Älege uñaydan «Ak bars» yaşlär üzägendä cırçınıñ  yubiley konsertı bulıp uzdı. Lena xanımnıñ 60 yaşlege uñaennan oeştırılgan bäyrämgä respublikabıznıñ, Kazannıñ keräşen oeşmaları, icattaş dusları, şulay uk mişär dusları: ataklı bayançı Ramil Kuramşin, cırçı Rafael Ilyasov, Aniya Tuişeva, Tais Xösäenovlar da kilgän ide.

Röstäm Şamsutov: Şämail “sıyfat”, “kıymät” digänne añlata

Imanlı yortnıñ kürsätkeçe närsä dip sorasalar, şämail dip özderep cavap birergä mömkin. Elek zamannarda ul här tatar-möselman yortında bulgan. Öygä kilep kergäç tä, yat küzlär iñ äüväl şämailgä töşärlek itep anı işek östenä elgännär. Yavız ruxlardan  saklıy, yortka iminlek iñderä  dip ışangannar.

Xäzerge zamannarda anı siräk yortta kürergä mömkin. Torgınlık ellarında, xätta din tıelgan zamanda da şämaillärne avıl cirlärendä yaşerten genä satıp yörüçelär bar ide. Ä inde tagı da elegräk çorlarda garäp yazuın belgän keşelär pıyalaga buyau häm kömeş kägaz (folga)  kullanıp “Ayatel körsi” häm Korännän bütän keçeräk sürälär yazıp elgännär.  Sängatneñ bu tarmagı bügenge köndä gıylmi nigezdä öyränelep dini uku yortlarında da kertelä başladı. Şul ölkädä eşläüçe galim, älege temanı yaktırtkan berniçä kitap avtorı häm talantlı rässamnarıbıznıñ berse Röstäm Şämsutov. Rossiya häm Tatarstan Rässamnar berlege ägzası, sängat fännäre kandidatı Röstäm äfände  belän şämail sängate xakında äñgämä korabız.

Cömädel äüväl aenıñ 24 nçe köne

Rässam Färit Yakupovka 60 yaş (1951)

Rässam Färit Yakupov turında yazganda, mögaen, süzne tanılgan rässamnıñ änise Ruşaniya apa häm ätise Xaris abıy Yakupovlardan başlau xaklırak bulır. Näk menä rässam tormışınıñ här yagın, icatınıñ serle häm gazaplı mizgellären Färit öçen alar aça bit!

Färit Yakupov bik küplärgä avıl tormışın, avıl abıy-apaların, avıl yaşlären surätläüçe bularak tanış. Äytik, “Kızıl tuy (Oçraşu)”, “Onıtılgan çişmä”, “Äxmät abıy häm anıñ avılı” h.b. kartinaları.

Anıñ icatınıñ tagın ber yagına küz salsak, şagıyrä S.Söläymanovanıñ “Kem uyatkan Läyläne”, yazuçı C.Därzamannıñ “Aybulat” isemle kitapların bizäüne, anıñ grafik eşlären äytep bulır ide.

Añardan: “Sezneñ öçen iñ kaderle kartinagız?” – dip sorasañ, ul: “Kartinalarnı aerıp bulmıy, anıñ härberse bala kebek yakın. Ä menä iñ zur eşläremneñ bersen atıy alam, ul “Berençe burazna” dip atala”,   dip cavap birä.

“KAMAZ” gaeple?

Rossiya futbolında tagın ber skandal kalkı çıktı. Kızganıç, monısı Çallınıñ “KAMAZ” klubına kilep totaşa. Komandanıñ elekkege uençısı Aleksandr Kukanos Rossiya futbol soyuzınnan yardäm sorıy.

Mäskäüdä Gabdulla Tukayga häykäl kuydılar

26 apreldä Mäskäü şähäreneñ Yaña Kuznesk uramında tatar xalkınıñ mäşhür şagıyre Gabdulla Tukay häykäle açıldı. Älege istälekle vakıyganı Mäskäü tatarları kötep aldı häm ul şagıyrneñ tuuına 125 el tuluga bagışlangan çaralarnıñ iñ ähämiyatlese buldı diyargä mömkin. Monument Mäskäü xökümäte kararı buença Tatarstan Respublikası xökümäte tarafınnan Rossiya başkalasına büläk itelde. Monumentnıñ avtorı — Rossiyaneñ atkazangan rässamı Salavat Çerbakov.

Ästerxandagı Yaña Bolgar tatar avılı tarixı

Ästerxandagı Yaña Bolgar avılınıñ iseme VIII gasırda Urta Idel buenda barlıkka kilgän Bolgar däüläte istälegenä bagışlangan. Krepostnoy xokuk beterelgäç, Kazannıñ bolgar-tatarları, Penza, Tübän Novgorod, Sember mişärläre Idel buylap cir ömet itep yöri. Näk şul vakıtta korılık arkasında ikmäk uñmıy, şulay da kıen xäldän çıgu yulı tabıla: telägän keşe balık citeşterüçe yaisä batraklarga eşkä kerep tamagın tuydıra. Elgada balık küp bulganga, kızıl balık yaxşı kergängä, elganıñ bu urının bay çıganak dip atap yörtälär.

Şigır bäyrämendä bäxet kürende...

Şagıyrlär bäxetle bulamı? Bula ikän. Tıngısız canlı häm gomere bue yanıp-köep şigırlär icat itkän Lena Şagıyrcannıñ: “Min bik bäxetle keşe”, - digän süzläre Gabdulla Tukaynıñ 125 ellıgına bagışlangan Şigır bäyrämenä üze ber büläk bulıp yañgıradı.

M.Cälil isemendäge Tatar däülät opera häm balet akademiya teatrı yanındagı şagıyr häykäle yanında uzgan Şigır bäyrämendä süz birelgäç ul üzen, iñ berençe çiratta, Tukaynıñ 125 ellıgın kürä aluınnan bäxetle itep xis itüen äytte. Häm moñar inde, bilgele, bıel märtäbäle däülät premiyasenä laek bulu şatlıgı da östälgän. Beraz dulkınlanıp kitkän şagıyrä: “Büläkkä täkdim itülären sizmi dä kaldım. Zilä xanım citäklägän xatın-kızlar oeşması täkdim itkän. Mine zurlagan citäkçelärgä, icatımnı tikşerep yazgan galimnärgä, xuplauçılarıma, duslarıma räxmät”, - dide häm “Kazanda Tukay bäyräme” digän şigıren ukıdı. Älege çıgıştan soñ moña kadär dä küñelne irkäläp torgan yazgı koyaş, tagı da elmaebrak karıy başladı kebek.

26 aprel - Gabdulla Tukay tugan kön

26 aprel – böek tatar şagıyre Gabdulla Tukaynıñ tugan köne. Bıel şagıyrneñ tuuına 125 el tuldı. Kazan şähäreneñ üzägendä urnaşkan Tukay häykälenä bu könne çäçäklär saldılar. Älege tantanada Tatarstan Prezidentı Röstäm Miñnexanov, TR Däülät Sovetı räise Färit Möxämmätşin, Tatarstan Premer–ministrı urınbasarı Zilä Välieva, Kazan merı Ilsur Metşin, Tatarstan Respublikasınıñ däülät eşlekleläre, sängatkärlär, çit töbäklärdän Tukay yubilee çaralarına dip maxsus kilgän küp sanlı kunaklar katnaştı.

Gabdulla Tukay isemendäge Däülät büläge laureatları bilgele buldı

Tatarstan Respublikası Prezidentı Ukazı nigezendä 2011 elnıñ Gabdulla Tukay isemendäge Däülät büläge laureatları bilgele buldı. Bıel Tukay isemendäge Däülät büläk dürt keşegä tapşırıla.

Menä alar:

1) Şahimoratova Albina Änvär kızına – Könbatış Evropa häm rus kompozitorları operalarında vokal partiyalärne, tatar kompozitorları cırların häm romansların, tatar xalık cırların iñ yugarı professional däräcädä başkaruı öçen;

2) Şakircanova Lena Galimcan kızına (Lena Şagıyrcanga) – «Bocra vä Xöcrä: Şigırlär, poemalar», Tatarstan kitap näşriyatı, Kazan, 2002 el, häm «Sagınmalık: Istäleklär, bagışlamalar», Tatarstan kitap näşriyatı, Kazan, 2005 el, cıentıkları öçen;

3) Kildebäkov Röstäm Äxmät ulı häm Kildebäkova Mariya Semenovna sostavındagı rässamnar kollektivına – Tatarstan Respublikasınıñ cämägat binaları intererı häm ekstererı öçen bergäläp icat itelgän monumental häm dekorativ-gamäli sängat äsärläre häm polotnolar seriyase: «Idel», «Tatarstan» kunakxanä komplekslarında, G. Kamal isemendäge Tatar däülät akademiya teatrında häm başkalarda «mozaika» häm «sgrafitto» monumental äsärläre; «Säyyar Truppası» gobelennarı, «Su anası», «Sak-Sok», «Şüräle» xalık äkiyatläre motivları buença» triptixı; tatar xalkı mädäniyatenä häm tarixına bagışlangan «Kukmara itekläre», «Şagıyrälär», «Xacilar», «Kaytu», «Biyuçe därviş» häm başka kartinalar seriyase öçen;

4) Ibrahimov Ilfak Mirza ulına (Möxämmät Mirzaga) – «Kiek kaz yulında», Tatarstan kitap näşriyatı, Kazan, 2003 el, «Tere su», Tatarstan kitap näşriyatı, Kazan, 2007 el, kitapları häm «Adäm balası» kitabında basılıp çıkkan «Adäm balası», Mägarif, 2009 el, şigırlär siklı öçen.

Tatar canlı bulsak, eşlär alga barır...

Tatarstan Prezidentı Röstäm Miñnexanov Bötendönya tatar kongressı Gabdulla Tukayga bagışlap uzdırgan kiñäytelgän utırışta katnaştı. Ilbaşı belän oçraşuda 41 töbäktän, 14 çit ildän kilgän 130 dan artık millättäşebez katnaştı. Alar tatarlarnıñ urtak Vatanı Tatarstan citäkçelegenä üzläreneñ räxmätläre belän bergä gozerlären citkerdelär,  şulay uk millätne saklau yulında başkargan eş täcribäläre, fikerläre belän urtaklaştılar.

...I mökatdäs, moñlı sazım

26 apreldä Yaşüsmerlär Respublika kitapxanäsendä G.Tukaynıñ 125 ellıgına bagışlangan çara uzaçak, dip xäbär itälär Intertat.ru gazetına.

Vençur yardämendä niçek tanılırga?

Elektron poçta, Internetta ezlätü sistemaları, sosial çeltärlär kayçandır gap-gadi ideyadän tugan. Xäzer aldıngı fiker iyalären şakkattıru ciñel bulmasa da, ällä nindi zamança äyberlär uylap tabılıp tora.

Ufa da Tukay ezlären saklıy

Başkortstan başkalası Ufa şähärendä dä bu könnärdä xalkıbıznıñ böek ulı, mäñge gorurlanıp söylärlek olug talant iyase Gabdulla Tukaynıñ tuuına 125 el tuluga bagışlangan çaralar baytak oeştırıla. Başkortstan däülät universitetında häm Başkortstan däülät pedagogiya universitetında, şulay uk Ufanıñ 65nçe häm 84nçe sanlı tatar gimnaziyalärendä, gomum belem birü katnaş mäktäpläreneñ tatar sıynıflarında G. Tukayga bagışlangan kiçälär oeştırıla. Ufa tatar milli oeşmaları da bu arada kayber mädäni çaralarnı äzerläp tora. 

KAMAZ yazmışı may aenda xäl iteläçäk

May urtasında Minsk şähärendä KAMAZa häm MAZ kompaniyalären berläşterü buença berençe utırış uzaçak. Älege ideya ike avtoginant tiräsendä inde fevral aennan uk böterelä. Ul vakıtta "Rostexnologiyalär" korporasiyase ike oeşmanıñ aksiyalären alıştırıyk dip, Belorusiya citäkçelegenä xat yulladı. Minsk avtozavodı aksiyaläre tulısı belän il citäkçelege kulında.