Mäkkä tarafına yunälgän

18 iyundä Tatarstannıñ Spass rayonı Bolgar şähärendäbolgarlarnıñ Islamnı kabul itüenä 1122 el tulu uñaennan “Izge Bolgar cıenı” uzdırıla. Älege çara öçen maxsus şatırlardan torgan lager äzerlänä.

Iyun başında biregä kilüçe din ähellärenä barlık mömkinleklär buldırılgan 500 palatka kuelır dip kötelä. Mäkkä tarafına yunälgän

Östälebezgä ikmäk 120 hönär iyase aşa kilä

Äle dä xäteremdä, äbiem keçkenädän ük «ipineñ valçıgın da koyarga yaramıy», «ikmäk östenä äyber kuyma», «ipineñ urını türdä», dip üsterde. Äye, äbi-babaylarıbıznıñ balaçagı, yaşlege açlık ellarına turı kilgän. Ber kisäk ipigä dä tilmerep üskän alar. Şuña kürä, anıñ kaderen belälär. Ä xäzer dönya başka.

Kibet kiştälärendä nindi genä tördä ipilär yuk, küñeleñ kaysın teli, şunısın saylap al. Ipineñ kadere kitte. Berençe urında torırga tieş bulsa da, ul küptän inde başka azık-tölek arasında kümelep kaldı kebek. Çönki xalıknıñ kübese ipidän başka da yaşäp bula, dip uylıy. Alay gına da tügel, ak ipi tazarta, anı küp aşau ällä nindi çirlär kiterep çıgara, dip tä söylilär. Ä bit tatar xalkınıñ iñ eş kullangan azıgı — ipi bulgan. Östälebezgä ikmäk 120 hönär iyase aşa kilä

Kazanda därvişlär ser öläşä...

28 mayda Kamal säxnäsendä därvişlär çıgış yasadı. Erak aralarnı yakın itep “Näürüz” festivalenä kilgän Törkiyaneñ “Äylänüçe därvişlär” isemle sema ansamble tatarstanlılarga berençe tapkır därvişlärneñ biyu aşa Allahka yakınaerga omtıluların kürsätte. Kamal teatrına kilüçelär konsert tämamlangaç ta därvişlär tudırgan serne açarga telägändäy tiz genä taralaşırga aşıkmadı...

Sema biyuve ütä dä säer häm Islam kuşkan gamäl kebek toelmıy. Çönki dindä gıybadät muzıka astında kılınmıy. Şulay da ul därvişlär öçen gıybadät kılunıñ ber töre bulıp tora. Anıñ nigezendä üzeñne ruxi yaktan açu, Allahka yakınayu ideyase yata. Häm monı alar muzıka yardämendä bilgele ber xäräkätlär yasap, transka kerep tormışka aşıralar. Kazanda därvişlär ser öläşä...

Sabantuynıñ meñellık tarixı bar

Tizdän tatar dönyasın bäyräm ruxı biläp alır, äbi-babaylar, apa-abıylar, bala-çagalar iñ matur kiemnären kiep, tabigat koçagına Sabantuy bäyrämenä aşıgır. Çınnan da, Sabantuy — tatar xalkınıñ iñ yaratıp, tüzemsezlänep kötep ala torgan bäyräme. Millätebezneñ cır-biyulären, goref-gadät häm yolaların, ber süz belän äytkändä tatar xalkınıñ çın asılın barı tik şuşı bäyräm genä tulısınça açıp biräder. Sabantuynıñ meñellık tarixı bar

Rossiya biznesı avır vakıtın kiçerä. 2009 eldan alar tüli torgan iminiyat kertemnäre üste. Belgeçlär äytüençä, bu eşmäkärlärneñ bazardan kitüenä genä tügel, xezmät xaklarınıñ kabattan «konvertta» birelä başlavına da kiteräçäk.

Ike el elek Pensiya fondı akçaları kimep, defisitnı kaplau öçen, eşmäkärlärdän alına torgan iminiyat kertemnäre arttırıldı. Xäzerge vakıtta ul xezmät xakınıñ 34 prosentın täşkil itä.

Yaña premiya – yazuçı balalarga

Bu xakta Tatarstan yazuçılarınıñ 22 mayda “Kazan” milli mädäni üzägendä 2010 elnıñ maennan alıp, xäzerge vakıtka kadärge eşçänleklärenä yomgak yasaganda äytelde. Icat ähelläreneñ başkarılgan eşlär turındagı söyläşüläre “Balalar ädäbiyatınıñ torışı häm üseş perspektivaları” dip atalgan temanı kolaçlagan çıgışlar belän ürelep bardı. Çaranıñ iñ tantanalı mizgele - yazuçılarga büläklär tapşırgan vakıt buldı. Ozaklamıy yazuçı apaları, abıyları belän berrättän täüge şigırläre, xikäyaläre öçen Ş.Galiev premiyasen algan balalarnı da kürerbez äle. Yaña premiya – yazuçı balalarga

Narkotiklarga karşı berençe fetva

Tatarstan möftie Rossiyadä berençe tapkır narkotik matdälärne kullanunı, citeşterüne, taratunı, kerem kertüne tıygan fetva çıgardı. Alga taba Tatarstan imamnarı kvartalga ber tapkır comga vägazlärendä narkotiklarnı kullanu häm taratunıñ gönahları turında säyläyaçäklär. Gomumän, din ähelläre zamana çirenä karşı toru, narkotiklarga bäylelekkä töşkännärgä yardäm itü maksatınnan şaktıy eşlär başkarırga cıenalar. Bu xakta TR Diniya näzaräte häm RF Tatarstan buença narkotiklar äyläneşenä küzätçelek federal idaräsearasında tözelgän kileşüdä açık kürsätelgän. 

Narkotiklarga karşı berençe fetva

Ravil Väliev: «Nuriev mine baletka gaşıyk itte»

Kazanda Rudolf Nuriev isemendäge XXIV Xalıkara klassik balet festivale bara. Bıelgı festival eldagıça M.Cälil isemendäge opera häm balet teatrına iñ danlıklı balet biyuçelären cıydı. Iseme böten cir şarına mäglüm bulgan tanılgan Rudolf Nuriev turında bik küp kitaplar yazıldı häm yazılaçak ta äle. Ä menä yazuçı Ravil Välievneñ «Şöhrät» dip isemlängän roman-dilogiyase - biyuçe xakında tatar telendä yazılgan berençe kitap. Kürenekle yazuçıbız bu äsärendä tatar millätennän bulgan biyuçe egetneñ tormış yulın, icatın tasvirlıy.

 Ravil Väliev: «Nuriev mine baletka gaşıyk itte»

900 ellık kulyazma

Pakistanda yakınça 900 el elek yazılgan Izge Korän kulyazması tabılgan. Djelum şähärendä kazu – tikşerü eşläre alıp bargan arxeologlar küp sandagı tarixi yadkärlärgä tap bulgannar. Ä kulyazma cir astınnan kilep çıkmagan, alar kulına oçraklı räveştä elägä. Anı taular arasında yaşi torgan ber kart alıp kilep büläk itkän. 900 ellık kulyazma

Çiläbedä milli maturlık iyasen saylılar

Çiläbe ölkäsendä «Tatar kızı-2011» bäygese bara. Çara milli maturlık, tatar xalkınıñ goref-gadätläre, sängate üzençäleklären kürsätü, xalkıbıznıñ bay tarixın häm yugarı mädäniyatın saklau maksatınnan oeştırıla. Bäygedä 20-30 yaştäge tatar kızları katnaşa. Kızlarnıñ çibär buluı, tatar telen häm tatar xalkınıñ tradisiyalären belüe şart. 

Çiläbedä milli maturlık iyasen saylılar

Färit Möxämmätşin Islamnı kabul itkän kön belän kotladı

21 mayda Tatarstanda berençe tapkır yaña istälekle data – Idel bue Bolgar däülätendä Islam dine räsmi kabul itelgän kön bilgeläp ütelä. Älege bäyräm belän tatarstanlılarnı respublika Däülät Sovetı başlıgı Färit Möxämmätşin kotladı.

Färit Möxämmätşin Islamnı kabul itkän kön belän kotladı

Kazanda Rafael Mostafinnı iskä alalar

24 mayda M.Cälil muzey-kvartirasında eztabar yazuçı, G.Tukay büläge laureatı Rafael Mostafinnı iskä alu çarası bulaçak. “Tormışnıñ bar şatlıgı – icatta” - Romen Rollannıñ älege süzläre näk menä Rafael aga xakında äytelgän sıman. Ädäbiyat belgeçe, tänkıytçe, publisist, galim R.Mostafinnıñ yazmaları 1953 eldan basıla başlıy. Anıñ barlıgı utızdan artık kitabı dönya kürgän. Alar tatar, rus, kazax, ukrain, äzerbäycan h.b tellärdä millionlagan tirajlar belän üz ukuçıların ezläp taptı. Kazanda Rafael Mostafinnı iskä alalar

Millättäşebez - «Umnisa JJ - 2011» bäygesendä

«Jivoy Jurnal» («JJ») çeltäre - onlayn-köndäleklär alıp baru öçen blok-platforma. Monda, şulay uk, törle yazmalar kaldıru, kommentariylar yazu, törle diskussiyalärdä katnaşu, bergäläp törle mäsälälär buença fiker alışu mömkinlege dä bar. Bügen ul könnän-kön populyarlaşa baruçı sosial çeltär bularak eşli. Millättäşebez - «Umnisa JJ - 2011» bäygesendä

Kazanda turizm çäçäk ata

Kazannıñ turizm tarmagı aktiv räveştä üsüen dävam itä. Şuşı könnärdä Kazanga Mäskäü häm Sankt-Peterburg şähärläreneñ turistik operatorları kilde. Başkalaga Rossiyaneñ «Alean», «Multitur», «Astravel», «Lanta-tur», «Delfin», «Orfey», «Vand Interneşnl» kebek aldıngı kompaniyalär väkilläre cıeldı. Alar Tatarstan Respublikasınıñ häm başkalabız Kazannıñ turizm tarmagı belän tanıştı. Kazanda turizm çäçäk ata

Üzäktä - keşe

Kazannıñ “Mir” kinoteatrında Kazan Däülät universitetınıñ elekkege dekanı, kürenekle publisist, pedagog, tarix fännäre kandidatı Florid Ägzamov turında fokumental filmnıñ premerası buldı. "V sentre –çelovek" digän dokumental filmnıñ avtorları – jurnalistika fakultetı aspirantları, ukıtuçılar – Anton Anoxin häm Dmitriy Tarxanov.

Yaş kilennär köç sınaşa

Sverdlovsk ölkäseneñ Ekaterinburg şähärendä «Güzäl kilen»konkursı ütkäreläçäk. Bu bäyge 18 maydan alıp 4 iyungä kadär dävam itäçäk. Konkursta 18 yaştän alıp 27 yaşkä kadär bulgan yaş käläşlär katnaşa ala.

Alar millätebezneñ goref-gadätlären, mädäniyaten, kiyaügä çıkkan tatar kızınıñ, anıñ yaşäeşeneñ, könküreşeneñ töp üzençäleklären häm, älbättä inde, tugan tellären ni däräcädä yaxşı belülären sınap karayaçak.

Ayziräk Gäräeva

Ayziräk Gäräeva

Korrespondent

Internetta “Allah yortı” barlıkka kilde

Sverdlov möselmannarı mäçetlären internet yardämendä salırga niyatlägännär. Monıñ öçen maxsus “Allah yortı” dip atalgan sayt buldırgannar. http://baytullah.ru ga Sverdlov ölkäsendä tözelüçe mäçetlär, mädräsälär turındagı mäglümatlar urnaştırılgan.

Kazanga Şamil Aläütdinov kilä

21 häm 22 mayda Tatarstan başkalasında tanılgan islam belgeçe, Mäskäüneñ Memorial mäçete imam-xatıybı Şamil Äläütdinov belän oçraşular kötelä. Dini çara ike könne dä “Ak Bars” yaşlär üzägendä uzdırıla.

Bügen Kırım tatarlarınıñ vatannarınnan kuulularına 67 el tuldı

Bügen, 18 maya, Akmäçettä (Simferopol) kırımtatar xalkınıñ Kırımnan deportasiyasenä 67 el tuluga bagışlangan matäm mitingı ütte.

Kırımtatar xalkı mäclese çakıruı buença Kırımnıñ törle töbäklärennän distä meñnärçä kırımtatarı Akmäçetneñ üzäk mäydanına cıeldı. Alar başta deportasiya korbannarı memoriallarına çäçäk saldılar, soñınnan biş kolonna bulıp şähärneñ üzägenä yunäldelär. Köndezge berdä miting başlandı. Irken mäydanda basıp torırga da urın yuk ide, dip söylilär anda bulgan keşelär.

Kırgızstan Tatarstan täcribäsen öyränä

Yañarak kına saylangan Kırgızstan respublikası parlamentıräsmi säfärläreneñ berençeläre itep Tatarstanga barunı saylagan. «Sez Rossiyaneñ iñ aldıngı, zur üseş algan töbäkläreneñ berse. Citmäsä, bez tugandaş xalık, bezneñ küp gasırlı tarixi elemtälärebez bar», dip añlattı monı Kırgızstan spikerı Äxmätbäk Kildebäkov. Bu xakta ul Kırgızstan parlamentı delegasiyaseneñ Tatarstan Däülät Sovetı başlıgı Färit Möxämmätşin belän 18 mayda uzgan oçraşuında belderde.

Röstäm Miñnexanov Primore tatarları belän oçraştı

Tatarstan Prezidentı Röstäm Miñnexanov Primore kraena eşlekle säfär kıldı. 16 mayda Vladivostokta ul Primore gubernatorı Sergey Darkin belän oçraştı, ATES-2012 sammitınıñ tözelä torgan obektların karadı häm ölkädäge tatar diasporası belän oçraştı, dip xäbär itä Tatarstan prezidentınıñ matbugat xezmäte.

Ästerxannıñ üz Tukae bulaçak

Ästerxan cire Kazan, Kuşlavıç, Uralsk kebek ük Tukay iseme belän bäyle şähär. Böek Tukaebız üzeneñ kıska gomereneñ 38 könen biredä ütkärgän. Ästerxannıñ teatr tügäräge artistları, “Idel” gazetı xezmätkärläre, aldıngı karaşlı yaşlär belän aralaşkan ul Ästerxanda. Ästerxannıñ üz Tukae bulaçak

Kazanda xäläl rizık yarminkäse açıla

19-21 iyundä märkäzebezdä KAZANHALAL-2011 kürgäzmä-yarminkäse uzaçak. Ul respublikada ikençe tapkır,KAZANSAMMIT digän III Xalıkara islam biznesı häm finansları sammitı kısasında ütkärelä. Oeştıruçısı - Islam biznesı häm finansların üsterü kommersiyale bulmagan fondı.

Seberdän Törkiyagä hicrät: Börüdälik avılı tarixı

Konfusiy äytkän di:
Döres eş itär öçen öç yul bar:
Berençese – iñ asılı – fiker yörtü, uylanu;
Ikençese – iñ ciñele – kabatlap eşläü;
Öçençese – iñ avırı – täcribä belän.

Seber kiñleklärendä, Idel belän Ural arasında yaşäüçe tatarlarga Istanbuldan ÄbdRäşit Ibrahim xat yaza: “Kırımnan, Kazannan, Çeçnyadan biregä küçenep kilüçelär bar. Sez dä soñga kalmagız, Islam cirenä küçenep kilegez. Yakın arada Rossiyadä revolyusiya bulaçak, xakimiyatkä kiläçäk xökümät möselmannarnıñ bulgan xakların tanımayaçak häm sez kıen xäldä kalaçaksız”.

Maxsus çıgarılış: "Tatar aşları"

Şuşı könnärdä Kazannıñ kitaplar häm vakıtlı matbugat satuçı ber kibetçegendä tatar telendä häm tatarga kagılışlı berni tapmıyça aptırap yörgändä: "Tatarskaya kuxnya" - dip yazılgan kitapçık küzemä çalındı. Tatar aşlarına bagışlangan törle kitap kürgän bar, tik, minem karaşka, alarnıñ berse dä Yunıs Äxmätcanov kitabı kadär tügel. Şulay da kitapçıknı alırga buldım, bälki, kızıklı äyber tabarmın, gomumän, bu kibettä anı tapkanga da kuanıp aldım.

Finnär kapkasın «Ak Bars» biyaläe sakladı

Soñgı könnärdä Slovakiyadä uzgan xokkey buença dönya çempionatı igtibar üzägendä buldı. Rossiya cıelma komandasınıñ bik ük uñışlı bulmagan çıgışı, medal ala almavı küp törle bäxäslär kuptardı. Rossiya xokkey trenerları Bıkov, Zaxarkin häm şulay uk Kovalçuk, Oveçkin isemnäre belän bergä iñ küp telgä alıngan süztezmä, mögaen, “Ak Bars” komandası uençıları” bulgandır.

Gata Kamskiy - iñ köçle şaxmatistlar bişlegendä

Bügen, 16 mayda "Korston" kunakxanäsendä havalarga xätle esselänep kitte kebek. Şaxmat buença dönya çempionlıgına dägvalauçılar turnirı yarımfinalınıñ soñgı häm finalga çıguçılarnı bilgeläüçe "köräş raundları" ütte. Partiyalär bik kierenke bardı, alar şaxmatçılardan akıl köçe genä tügel, ixtıyar häm ciñügä omtılışnıñ katgıylıgın taläp itte.

Sabantuylar görlär...bik tizdän

Sabantuy — tatar xalkınıñ iñ tanılgan, iñ küñelle bäyrämnäreneñ berse. Anı may axırında bäyräm itä başlıylar da, ul iyul urtalarına kadär dävam itä. Dimäk räxätlänep berniçä Sabantuylarda da yal itep kaytırga mömkin.

Äbilär häm babaylar yarışa

Kazanda penisonerlar Spartakiadası start aldı. Xäzer inde olı buınnı da sportka tartırga telilär.

Estärlebaş mädräsälärendä tatar zıyalıları ruxı

Monnan küpmeder vakıt elek Zäki Zäynullinnıñ «Estärlebaş mädräsäse» kitabın täkdim itü kiçäsendä bulırga turı kilde.Başkortstannıñ Estärlebaş avılı borıngıdan uk bik tä mägrifätle urın sanalgan. Untugızınçı gasırga kadär ike meñ keşese bulgan bu avılda kırıkka yakın mädräsä eşlägän.

Bu mädräsälär böten Rossiyadä dan kazangan. Monda belem algan tatar zıyalılarınıñ kübese tatar dönyasında yaxşı tanış.Gabderäxim Utız Imäni, Äbelmänix Kargalı, Zäki Şämsetdin,Gali Çokrıy, Miftaxetdin Akmullalarnı belmägän keşe, gomumän, yuktır.

Kiev sandugaçı — 2011

2011 nçe elnıñ 3-4 nçe iyunendä Kievta «Kiev sandugaçı» VII nçe Xalıkara törki-tatar festivale uzdırılaçak.

Bişkekta sugış veterannarın kotladılar

Kırgızstan tatarlarınıñ «Berdämlek» soyuzı yaşläre 9 may — Böek Ciñü bäyrämendä sugış veterannarın kotlıy. Bu inde matur gadätkä äylände. Irtädän alıp kiçkä kadär tatar yaşläre georgiy lentası elgän maşinalarda Bişkektagı veterannarnıñ öylärenä bara. Bişkekta sugış veterannarın kotladılar

«Kazan» aeroportı tiräsendä zur säüdä üzäge tözeläçäk

«Dubay Perl» («Dubai Pearl») kompaniyase Tatarstanda zur säüdä- kürgäzmä üzäge tözergä yardäm itäçäk. Ul Kazan aeroportı tiräsendä 65 gektar mäydanda urnaşırga tieş. Anı tözügä kagılışlı barlık mäsälälär respublika Prezidentı Röstäm Miñnexanovnıñ Dubayda «Dubai Pearl» kompaniyase citäkçelege belän oçraşuı vakıtında bilgele buldı.

«Kazan häm muzıka»

12 mayda Kayum Nasıyri muzeenda «Kazan häm muzıka» digän sängati kürgäzmä açıla. Kürgäzmädä PFUnıñ (TGGPU) sängat beleme fakultetı studentlarınıñ xezmätläre urın algan. Älege icadi eşlär tatarnıñ böek kompozitorı, pianist, Tatarstandäülät gimnı avtorı, SSSRnıñ xalık artistı Röstäm Yaxingabagışlana, dip xäbär itälär Intertat.ru gazetasına. «Kazan häm muzıka»

Tatarstan garäp illäreneñ investision mömkinlekläre belän kızıksına

Röstäm Miñnexanov berniçä könlek eş säfäre Berläşkän Garäp Ämirleklärendä. 10 may könne ul Dubayda el saen ütkärelä torgan Annual Investment Meeting 2011 investisiya forumı açılışında katnaştı. Bilgele ki, AIM-2011 forumın törle proektlar öçen investorlar tabu, şulay uk üz töbägeneñ investision potensialın täkdim itü urını dip tä atargşa mömkin. Bıel forumda 30 ga yakın il (Törkiya, Malayziya, Avstraliya, Indoneziya, Yamän, Mavrikiy, Namibiya, Ärmänstan, Braziliya häm başkalar) katnaşırga teläk beldergän.

Altay tatarları milli-mädäni avtonomiyalären tözedelär

Altay kraenda yaña ictimagıy oeşma tözelde, Intertatka şunısı belän kızıklı ul - Tatarlarnıñ töbäk milli-mädäni avtonomiyase.

“Zenit-Kazan” - çempion!

Voleybol buença Rossiya çempionatınıñ altın medalläre yanä Kazanga kayttı. Öçençe el rättän “Zenit-Qazan” - ilneñ iñ köçle komandası bulıp tanıldı!

Bıel final oçraşuında beznekelär Mäskäüneñ “Dinamo”sı belän uynadı. Täüge uenda köndäşlärebezne köç-xäl belän 3:2 isäbenä otkaç häm, bigräk tä, ikençe oçraşuda 0:3 belän ottırgaç, küñeldä şik tudı: bıel kazanlılarga altın medallär tätemäs axrı. Äye, sezon axırına uençılarıbız çiktän tış arıgan ide. Ni äytsäñ dä, “Zenit-Kazan” üze katnaşkan barlık yarışlarda da xälitkeç oçraşularga kadär kilep citte. Ämma... Öçençe matç “Zenit-Kazan” faydasına 3:2 isäbe belän tämamlandı. Dürtençe oçraşuga Kazannan bik tä köçle canatarlar desantı kilep töşte. Ällä şul yardäm itteme, monısında komandabız bötenläy başkaça uynadı. Näticädä, ciñü nibarı öç setta yaulandı. Çönki östenlek tulısınça beznekelär kulında ide.

Tuvadan tamak töbe belän cırlauçılar kilä

X “Näürüz” xalıkara teatr festivalenä Tuva respublikasınnan Tuva däülät drama teatrı häm tamak töbe belän cırlauçılar triosı kilä. Cırçılar Festivalneñ açılu tantanasında çıgış yasayaçak, dip xäbär itälär Intertat.ru gazetına. Tamak töbe belän cırlau sängateneñ üzençälege beryulı ike nota işetterüdä. Bu bik katlaulı prosess. Älege sängat törendä tıvalılarga tiñnär yuk. Alar üzençälekle başkaru ısulın belä. Bu ısul, üpkälärgä tulgan hava küläme yardämendä sulış organnarın tibränderep, gacäp gıjlaular tudırudan gıybarät.

Kol Şärif mäçetendä - yaña kürgäzmä

13 may könne Kazan Kremlendä tanılgan rässam Flera Däminovanıñ «Keramik plitädä yasalgan «Şärık motivları» digän kürgäzmäse açılaçak, dip xäbär itälär Intertat.rugazetına.

Tatar milli fast-fudı

Pärämäç — bügenge köndä tatar xalkınıñ iñ populyar milli rizıklarınnan berse sanala. Öçpoçmaknı Kazan şähärebezneñ här poçmagınnan tabıp bulgan kebek, pärämäç tä şulay kiñ taralgan. Anı yaşlär «tatar milli fast-fudı», dip tä yörtälär äle.

Islam dine kabul itelgänçegä kadär, pärämäçne koyaşka tiñlägännär. Ul çorlarda tatar xalkı «Böek Allabız», dip Täñregä ışangan. Ä ul — Koyaş Allası. Şuña kürä dä inde pärämäçneñ urtasındagı bögep yasalgan sırlar koyaş nurların xäterlätä.

Kazanda Ciñü paradı uzdı

Bügen Rossiyadä zur bäyräm – il Böek Ciñüneñ 66 ellıgın bilgeläp ütä. 1945 elnıñ 9 maennan soñ inde bixisap vakıt uzsa da, küplär küz yaşe aşa kiçerelgän şatlık bügen dä ul çaktagı kebek.

Vatan öçen başın salgannar, ciñü belän tugan ilenä äylänep kaytkannar - berse dä onıtılmıy. Ellar su kebek aksa da, alar isemen mäñgeläşterü, bilgesez sugışçılarnıñ şäxesen açıklau tınıp tormıy. Böek Ciñü bäyrämen dä torgan saen yaxşırak yasıylar. Bıel Mäskäüneñ Kızıl mäydanında ütkän paradnı da küplär inde iñ yaxşı xärbi çaralar isemlegenä kertergä laeklı dip taptı. Il paradında uzgan el 11 meñ xärbi katnaşsa, bıel tantalı marşta 20meñgä yakın keşe atladı.

Gata Kamskiy - yarımfinalda

Bügen, 8 may könne dürtençe tur uenında köndäşe Veselin Topalovka otışlı torışta ciñärgä irek birmägän Gata Kamskiy şaxmat buença dönya çempionlıgına dägvalauçılar turnirınıñ yarımfinalına çıktı.

Yarımfinalda anıñ köndäşe Boris Gelfand bulaçak. Ikençe yarımfinalçılar parı irtägä bilgele bulaçak. Aronyan - Griçuk häm Kramnik - Radjabov tiz şaxmat uynap köç sınaşaçak.

Şäükät abıy Galiev kitte...

Şäükät Galiev berniçä buın tatar balalarına bik yaxşı tanış şagıyr. Anıñ küñelle dä, kızıklı da, tärbiyavi dä şigırlären barıbız da ukıp üstek. "Muskul tügel mıskıl bu", "Onıtılgan, öydä kalgan", "Anda-monda yöri mäçe, ällä şul mı tärcemäçe" häm bik küp başka yulları telebezgä kerep kaldı. Xuş, Şäükät abıy...

«Näürüz» festivalendä Tatarstan danın 9 teatr yaklayaçak

30 maydan 5 iyungä kadär Kazanda törki xalıklarnıñ X «Näürüz» xalıkara teatr festivale uzaçak. Festivaldä 550 kunak häm katnaşuçı kötelä. Kazanga Yaponiya, Germaniya, Törkiya, Kazaxstan, Üzbäkstan, Törekmänstan, Moldava, Rossiya töbäkläre: Yakutiya, Altay, Tıva, Dagıstan, Xakasiyadän truppalar kiläçäk. Gadät buença, katnaşuçı spektallärgä tänkıytçelär kollegiyase bäya biräçäk. Kollegiyaneñ citäkçese – sängat fännäre doktorı, Rossiya teatr sängate akademiyase (RATI-GITIS) professorı, Rossiya Fännär akademiyaseneñ Şekspir komissiyase räise Aleksey Bartoşeviç. 

Federal sabantuynıñ räsmi äläme kabul itelde

2011 nçe elgı Ekaterinburg şähärendä uzaçak federal sabantuynıñ räsmi äläme kabul itelde. Ul milli tatar sölgesen xäterlätä. Kiñlege häm ozınlıgı 2:3 ülçämendä bulgan bu äläm ak töstä, ä ike çite kızıl töstäge tatar milli bizäge belän eşlängän.